Ölkə

Gədəbəy sakini özünü bıçaqlayıb - YENİLƏNİB

29 Avqust 2016 15:20

0 Şərh Baxış: 968

#CƏMİYYƏT #KRİMİNAL #SAĞLAMLIQ #POLİS #CİNAYƏT

15:20

Gədəbəy rayon sakini özünü bıçaqlayıb.

APA-nın verdiyi məlumata görə, rayon sakini, 1966-cı il təvəllüdlü Şahin Səfərov bədənin müxtəlif nahiyələrinin kəsilmiş-deşilmiş xəsarətləri ilə xəstəxanaya yerləşdirilib. Ona dərhal tibbi yardım göstərilib, vəziyyətinin orta-ağır olduğu bildirilir. Ş. Səfərov polis əməkdaşlarına özü özünü bıçaqladığını deyib.

Faktla bağlı Gədəbəy Rayon Polis Şöbəsində araşdırma aparılır.

----------

12:16

Gədəbəy rayonunda bıçaqlanma hadisəsi baş verib.

Milli.Az report-a istinadən bildirir ki, hadisə gecə saatlarında rayonun Şəkərbəy kəndi ərazisində qeydə alınıb.

Belə ki, həmin kəndin sakini 1960-cı il təvəllüdlü Şahin Məhəmməd oğlu Səfərov bədəninin müxtəlif yerlərindən 8 bıçaq yarası alaraq Gəncə şəhər Abbas Səhhət adına 1 nömrəli Xəstəxanaya gətirilib.

Dərhal əməliyyat edilən yaralının vəziyyəti ağır olaraq qalır. Onun kim tərəfindən və hansı səbəbdən bıçaqlandığı məlum deyil.

Faktla bağlı Gədəbəy Rayon Polisi Şöbəsində araşdırmalara başlanılıb.

Milli.Az