Ölkə

İdman kompleksində tibb bacısının müəmmalı ölümü - TƏFƏRRÜAT - YENİLƏNİB - FOTO

28 İyul 2016 17:30
3 Şərh     Baxış: 5 640
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

17:30

Ötən gün Sumqayıt şəhərində yerləşən idman kompleksində 1991-ci il təvəllüdlü Ülkər Oktaybəyli üzgüçülük hovuzunda boğularaq dünyasını dəyişib. 

Milli.Az xəbər verir ki, kompleksin meneceri Elnur Hüseynov azvision.az-a açıqlamasında bildirib ki, Ülkər Oktaybəyli professional üzgüçü olub.

Menecernin sözlərinə görə, dünyasını dəyişən xanımın ürəyində problem olub: "Ülkər xanım hər yay fəslində bizim kompleksə gəlirdi. Yəqin ki, xanımın ürəyində problem yaranıb. Çünki suda boğulan şəxs ən azından köməyə kimisə çağırar, qışqırardı. Bu hadisə boğulma olmadan baş verib. Hər gün olduğu kimi nəzarətçilər orada olub. Nəzarətçilər xəbər tutan kimi dərhal xanımı sudan çıxarıblar. İlkin yardım göstərilib, süni nəfəs verilib. Daha sonra həkimlər gəlib. Ülkər xanım 3-4 ilə yaxındır ki, bizim idman kompleksində qeydiyyatda olub. Ülkər xanım professional üzgüçü olub".

Qeyd edək ki, baş vermiş hadisə ilə bağlı polis araşdırma aparır.

---------

11:45

İyulun 27-də Sumqayıtda "Term" İdman-Sağlamlıq Kompleksində gənc qızın ölümü ilə bağlı cinayət işi başlanıb.

Bu barədə Trend-ə Sumqayıt Şəhər Prokurorluğundan məlumat verilib.

Məlumata görə, faktla bağlı Sumqayıt Şəhər Prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlanıb. Hazırda faktla bağlı istintaq əməliyyat tədbirləri aparılır.

Xatırladaq ki, dünən Sumqayıtda "Term" İdman-Sağlamlıq Kompleksində 25 yaşlı Ülkər Elxan qızı kompleksin üzgüçülük hovuzunda boğulub.

Mərhumənin yaxınları Trend-ə bildiriblər ki, Ülkər hər il yay tətilində adıçəkilən kompleksə üzməyə gəlirmiş və üzgüçülük həvəskarı olub. İyulun 27-də kompleksə gələn Ülkər yenidən hovuzda üzməyə başlayıb. Bir müddətdən sonra onda qəfil ürək tutması baş verib və boğulub. Hovuz nəzarətçilərinin dərhal hadisəyə müdaxilə etməsinə və ona süni nəfəsin verilməsinə baxmayaraq, gənc qızın həyatını xilas etmək mümkün olmayıb. Ülkər hadisə yerində dünyasını dəyişib.

Yaxınları bildiriblər ki, Ülkər ürək xəstəliyindən əziyyət çəkirmiş.

----------

10:33

Ötən gün axşam saatlarında Sumqayıt şəhərində yerləşən idman komplekslərinin birinin üzgüçülük hovuzunda ölüm hadisəsi qeydə alınıb.

Milli.Az bildirir ki, xeberle.com hadisənin "TERM" idman kompleksində baş verdiyi ilə bağlı məlumat əldə edib. Belə ki, idman kompleksinin hovuzunda üzən 1991-ci il təvəllüdlü, 1-ci məhəllə sakini Ülkər Muradova boğularaq dünyasını dəyişib. Ehtimala görə, hadisə nəzarətçilərin diqqətsizliyi üzündən baş verib.

Polis hadisə ilə bağlı araşdırma aparır.

Qeyd edək ki, mərhum Ülkər Qubadlı Rayon Xəstəxanasında işləyirdi.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.