Ölkə

Beş sığorta şirkəti bağlanır?

25 İyul 2016 17:05

112 Şərh Baxış: 3 109

#CƏMİYYƏT #İQTİSADİYYAT

Maliyyə Bazarlarına Nəzarət Palatası (MBNP) bankların sağlamlaşdırılması ilə yanaşı, sığorta şirkətlərinin də sağlamlaşdırılması prosesinə başlayıb.

Milli.Az bu barədə fins.az-a istinadən xəbər verir.

Belə ki, Palata beş sığorta şirkətinin -"Bakı Sığorta", "Alfa Sığorta", "Rəvan Sığorta", "Başak İnam" və "Azərqarant Sığorta" şirkətlərinin lisenziyasının ləğvi ilə bağlı Maliyyə Sabitliyi Şurasına müraciət edib.

İyul ayının sonuna kimi sığorta şirkətlərinin lisenziyasının ləğvi ilə bağlı qərarın veriləcəyi bildirilir. Adıçəkilən şirkətlərin lisenziyaları ləğv edilsə də, sığorta brokeri və ya agenlik kimi fəaliyyət göstərmə seçimləri olacaq.

Qeyd edək ki, bundan əvvəl iyul ayının 22-də Palata dörd bankın ("Zaminbank", "Dekabank", "Kredobank" və "Parabank") lisenziyasının ləğv edilməsi ilə bağlı qərar qəbul edib.

Maliyyə Bazarlarına Nəzarət Palatası isə beş sığorta şirkətinin bağlanmasına dair Maliyyə Sabitliyi Şurasına müraciət etməsi barədə məlumatı təkzib edir.

Milli.Az bildirir ki, Palatanın Direktorlar Şurası sədrinin müşaviri Rüfət Abbasov oxu.az-a deyib ki, palata sığorta şirkətlərinin bağlanması üçün heç bir orqana müraciət etməyib.

"Bu barədə yayılan məlumat da əsassızdır", - deyə R.Abbasov bildirib.

Milli.Az