Ölkə

Bakıda saxta meyvə şirələri peyda olub - FOTOlar

25 May 2016 11:51
1 Şərh     Baxış: 2 136
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Paytaxtda mənşəyi və keyfiyyəti məlum olmayan meyvə şirələri satışa çıxarılıb.

Milli.Az bildirir ki, bu barədə publika.az-a Azad İstehlakçılar Birliyindən (AİB) məlumat verilib.
 
Biz də bu problemi gün işığına çıxarmağa çalışdıq.
 
Aldığımız məlumata görə, üzərinə "Mega-pak" yazılmış albalı meyvə şirələrinin əslində hansı keyfiyyətə malik olduğu tam məlum deyil.
 
"Meyvə şirələrinin üzərindəki telefon nömrəsinə zəng vurduqda həmin nömrənin istehsalçı ilə bağlılığı olmadığı üzə çıxır. Telefona cavab verənlər bu nömrənin ev nömrəsi olduğunu deyirlər", - deyə AİB sədri Eyyub Hüseynov bildirib.
 
Bu sadalananlar bir yana, bununla bağlı başqa xoşagəlməz faktlar da var: "Meyvə şirəsinin qabının üstündəki etiketin altında tam başqa bir etiket də var. Bir-birlərindən fərqli etiketlər üst-üstə yapışdırılıb. Üstəlik malın yararlılıq müddətini bildirən etiketin altında başqa bir etiket də var. Bu şirələri bizə paytaxt sakinlərindən biri təqdim edib və araşdırma aparırıq".
 
İstehsalçının ünvanı Xırdalan şəhəri, Hacı Zeynalabdin Tağıyev küçəsi kimi göstərilib. Müəssisənin adı isə "İlqar MMC"-dir. Lakin qeyd etdiyimiz kimi, məhsulun üzərindəki əlaqə telefonu istehsalçıya məxsus deyil.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.