Şəmkirdə yanğın hadisəsi baş verib.
Milli.Az Kəpəz TV-yə istinadən bildirir ki, Şəmkirin Düyərli kəndində Vidadi Hüseynova məxsus, ümumi sahəsi 170 kv.m olan ikimərtəbəli 7-otaqlı ev və evə bitişik ümumi sahəsi 30 kv.m olan ərzaq mağazasının yanar konstruksiyaları və içərisində olan əşyalar tamamilə yanıb. Hadisə yerinə çağırılan FHN əməkdaşları tərəfindən alovun qarşısı alınıb. Ancaq ev və mağaza tamamilə yararsız hala düşüb. Yaxınlıqdakı digər tikililər yanğından mühafizə olunub. Yanğının hansı səbəblərdən baş verdiyi aparılacaq araşdırmalardan sonra məlum olacaq.
Milli.Az