Bir müddət öncə Bakıda dünyada analoqu olmayan ödəmə terminallarının peyda olduğunu yazmışdıq.
Milli.Az-ın məlumatına görə, paytaxtın Azneft dairəsindəki yeraltı piyada keçidindəki ödəmə terminalları digərlərindən fərqli olaraq "qeyri-adi xidmət funksiyası"na malik olub. Belə ki, həmin terminallar müxtəlif təyinatlı ödəmə aparmaqla yanaşı, zibil qutusu rolunu da oynaya bilirdi. İnsanlar terminalda əməliyyat apardıqdan sonra çıxan qəbzi və ya əlinizdəki digər zibili cihaza calaq edilmiş "zibil qutusu"na da ata bilirdilər. (http://news.milli.az/country/430025.html)
Milli.Az-ın kommunal xidmət sektorundakı bu "analoqsuz inkişaf" barədə satirik tərzdə yazılmış tənqidi məqaləsindən sonra müvafiq qurumlar dərhal reaksiya verərək səhvlərini düzəldiblər.
Milli.Az xəbər verir ki, artıq ödəmə terminallarına pərçimlənmiş karton "zibil qutuları" sökülüb, əvəzində cihazların yanına normal zibil qutusu qoyulub.
Pünhan Mirzə
Milli.Az