Ölkə

Elza Seyidcahanı döyüblər?

2 May 2016 14:53
21 Şərh     Baxış: 6 041
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu günlərdə sosial şəbəkələrdə bəstəkar-müğənni Elza Seyidcahanın Tovuzda döyüldüyü barədə məlumatlar yayılıb. 

Məlumata görə, hadisə Tovuz rayonunun Qovlar kəndində yerləşən restoranların birində, toy məclisində baş verib. Müğənninin döyülməsinə səbəb isə tez-tez mikrofona Tovuzda xoş qarşılanmayan "toş-toş" sözünü deməsi olub.

Məsələ ilə əlaqədar Elza Seyidcahan ilə əlaqə saxladıq. 

Milli.Az bildirir ki, musavat.com-a danışan müğənni sonuncu dəfə Tovuzda nə zaman olduğunu xatırlamadığını dedi: "Haqqımda nə yazdıqları məni maraqlandırmır. Bu barədə danışmaq istəmirəm. Axrıncı dəfə heç yadıma gəlmir ki, Tovuzda nə vaxt toyda olmuşam. Məni niyə döyməlidirlər? İnsanlar canlarını, başlarını mənim yolumda verməyə hazırdılar. Şükür Allaha mən bunu qazanmışam. Bunu yazanlar, yəqin ki, cəzalarını tapar. Məni belə şeylər maraqlandırmır, bu haqda danışmaq istəmirəm. Bu an mənim böyük layihələrim var. Onlar haqqında danışa bilərəm".

Bəstkar-müğənni heç bir zaman toylarda xoşagəlməz hadisə ilə rastlaşmadığını dedi: "Elza Seyidcahanı sərxoş adamlar görəndə ayılırlar, özlərini yığışdırırlar, o ki qaldı ağlı başında olan adamlar... Sərxoş adamlar məni görəndə ayılır və gözlərinə inanmırlar. Bir dəfə məclisdə olmuşduq. Bir sərxoş qaça-qaça gəlib dedi ki, "Bu, Mixaylodur?" Yəni, gözlərinə inanmırdı ki, qarşısındakı Elza Seyidcahandır. Damla-damla qazandığım məhəbbətə görə, əlbəttə, xalqımıza borcluyam ki, pisi yaxşıdan, ağı qaradan ayırmağı bacarır". 

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.