PUL
Bu gün Bakı Apelyasiya Məhkəməsində dələduzluqda təqsirləndirilərək həbs edilən veteran futbolçu Maşallah Əhmədov barəsində Binəqədi Rayon Məhkəməsində çıxarılan həbs qərarından verilmiş apelyasiya şikayətinə baxılıb.
Bu barədə Trend-ə məhkəmədən məlumat verilib.
Hakim Həsən Əhmədovun sədrliyi ilə keçirilən prosesdə araşdırılan şikayət təmin edilməyib. Hakim birinci instansiya məhkəməsinin qərarını qüvvəsində saxlayıb.
Qeyd edək ki, M.Əhmədov dekabrın 14-də Binəqədi Rayon Polis Şöbəsinin əməkdaşları tərəfindən saxlanılıb. Veteran futbolçu Bakıda bir neçə nəfərin 150 min manatdan artıq pulunu alıb və qaytarmayıb.
Dekabrın 16-da Binəqədi Rayon Məhkəməsində M.Əhmədov barəsində üç ay müddətinə həbs qətimkan tədbiri seçilib. Qərardan narazı olan M.Əhmədov qərardan apelyasiya şikayəti verib.
Xatırladaq ki, Azərbaycan futbolunun ən güclü hücumçularından olan M.Əhmədov 1959-cu ildə Gəncədə anadan olub. O, 1977-ci ildən "Neftçi" klubunda oynayıb. M.Əhmədov 1995-ci ildə əsas milli komandada məşqçi, U-21-də isə baş məşqçi funksiyasını yerinə yetirib. O, 2008-ci ilin dekabrından etibarən İsgəndər Cavadovun rəhbərlik etdiyi Azərbaycan Regional Futbol Federasiyaları Assosiasiyasının vitse-prezidentidir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
