Binəqədi Rayon İcra Hakimiyyətinin başçısı Xaləddin İsgəndərova məxsus olduğu deyilən restoran satışa çıxarılıb.
Milli.Az xəbər verir ki, bu haqda musavat.com məlumat yayıb. Məlumatda qeyd edilir ki, restoran yeni avtovağzal ilə üzbəüz 10 sot torpağın içində tikilib. Obyekt xususi zövq və dizaynla təmir olunub və ümumi sahəsi 700 kvadrat metrdir. Restoranın 3 böyuk zalı, 3 kabineti, həyətdə 4 kabineti və açıq verandası var.
Restoranın satışa çıxarılması ilə bağlı elan daşınmaz əmlakın alqı-satqısı üzrə ixtisaslaşan shop.az saytında yerləşdirilib.
Restoran 1 milyon 200 min manata satışa çıxarılıb.
Milli.Az