PUL
.jpg)
Gələn ilin birinci yarısından Biləcəri sakinləri "Azərbaycan Dəmir Yolları" QSC-nin yeni qatarlarından istifadə edə biləcəklər.
Bunu Trend-ə açıqlamasında "Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədov deyib.
Onun sözlərinə görə, hazırda Biləcəri stansiyasında yenidənqurma işləri aparıldığı üçün Bakı-Xırdalan-Sumqayıt sərnişin qatarı sözügedən stansiyada dayanmır: "Biləcəri stansiyasında yenidənqurma işləri çərçivəsində yeni turniketlər quraşdırılır, platformalar salınır. Artıq stansiyanın bir hissəsində aparılan yenidənqurma işləri yekunlaşmaq üzrədir. İşlər yekunlaşandan sonra qatarlar Biləcəri stansiyasında da dayana biləcək. Bundan sonra Biləcəriyə gəlmək və buradan getmək mümkün olacaq".
N.Əzməmmədov Bakı-Xırdalan-Sumqayıt qatarları ilə gediş haqqının ödənilməsi üçün istifadə olunan kartlarla bağlı da danışıb: "Kartların doldurulması üçün lazım olan aparatların gələn ildən işləməsi nəzərdə tutulur. Bakı sərnişin vağzalında artıq kart aparatı var. Digər stansiyalarda da aparatlar quraşdırılacaq. Amma onlar gələn ildən tam işləyəcək. Çünki hazırda sözügedən aparatların təminat məsələsi həll olunur".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
.jpg)
.jpg)
