"Bu gün istilik tariflərinin artırılması gündəmdə deyil".
Bu haqda modern.az saytına açıqlama verən "Azəristiliktəchizat" ASC-nin abonent və müştəri xidmətlərinin rəisi Rafiq Əliyev deyib ki, hazırda payız-qış mövsümünə hazırlıq gedir:
"Noyabr ayının 15-dən etibarən payız-qış mövsümünə keçidlə əlaqədar istilik verilməsinə başlanacaq. Hazırda əhali, istehlak qrupu üçün 1 kvadratmetr yaşayış sahəsinə 15 qəpik isitmə haqqı nəzərdə tutulub.
Baxmayaraq ki, tarifimiz maya dəyərindən aşağıdır, qiymətlərin artırılması gündəmdə deyil. Bununla bağlı tərəfimizdən Tarif Şurasına müraciət edilməyib".
Milli.Az