Ölkə

Maliyyə naziri vəd verdi

7 Oktyabr 2015 14:51
Baxış: 1 787
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Növbəti ildən etibarən Azərbaycanda icbari tibbi sığorta sistemi tətbiq olunmağa başlayacaq.

Trend-in məlumaına görə, bu barədə maliyyə naziri Samir Şərifov bu gün parlamentdə keçirilən 2016-cı ilin büdcəsinin müzakirələri zamanı deyib.

Onun sözlərinə görə, artıq hökumət bu istiqamətdə ciddi işlər aparır və növbəti ildən tədricən bu sistemin tətbiqinə başlanılacaq.

Nazir bildirib ki, icbari sığorta zamanı dövlət xəstənin müəyyən qisim xərclərini öz üzərinə götürəcək:

"Yerdə qalan hissəsi isə donorlar, xəstənin yaxınları və digərləri tərəfindən ödənilə bilər".

S.Şərifov əlavə edib ki, bu gün ölkədə mürəkkəb cərrahi əməliyyatlar da həyata keçirilir ki, bu cərrahi əməliyyatları etdirmək hər adamın imkanı daxilində deyil: "Ona görə də bu əməliyyatların həyata keçirilməsi üçün dövlət tərəfindən müəyyən vəsait ödənilir. Bu əməliyyatların həyata keçirilməsi məqsədi ilə tibbi sığortalar həyata keçiriləcək. Vəsaitin müəyyən qismi sığorta ilə, digər qismi isə xəstə tərəfindən ödəniləcək".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.