Bakıda sabiq polisi qətlə yetirən Rövşən Həsənovla bağlı maraqlı fakt məlum olub.
Milli.Az-ın əldə etdiyi məlumata görə, Nadir İbrahimovu bir neçə gün əvvəl "Lexus" markalı maşınında güllələyən Rövşən Həsənovun atası yüksək vəzifəli dövlət məmurudur. Onun atası Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Məhkəmə-kimya şöbəsinin rəisi Qalib Həsənovdur.
Məlumat üçün bildirək ki, Nadir İbrahimov müğənni Azər Zeynalovun qaynı, Rövşən isə SAB kolbasa zavodunun direktoru hacı Sabirin kürəkənidir.
Mərhum N.İbrahimovun yaxınlarından Milli.Az-a bildirildi ki, R.Həsənov bir müddət əvvəl də adam öldürüb. İddiaya görə, o, avtomobili ilə bir piyadanın həyatına son qoyub. Eyni zamanda, Rövşən qanunsuz silah gəzdirirmiş.
Anar Məmmədov
Milli.Az