Ölkə

Külək damı apardı, leysan 10 ailəni islatdı - FOTO

29 May 2015 12:36

0 Şərh Baxış: 1 289

#HADİSƏ #HAVA #BÖLGƏ XƏBƏRLƏRİ

Bir neçə gün öncə Tovuzun dağ kəndlərinə dolu düşməsi haqda xəbər vermişdik. Ötən gün isə rayon mərkəzində güclü külək, ardından leysan xeyli fəsadlara yol açıb.

Kəpəz TV (Region TV) xəbər verir ki, güclü külək nəticəsində bir neçə iri ağac qırılaraq magistral yola, elektrik və rabitə xətlərinin üzərinə, həmçinin kartof sahələrinə aşıb. Bir saatdan artıq davam edən xoşagəlməz təbiət hadisəsi zamanı Avaz Təpə yaşayış massivində bir neçə evin, bundan başqa 40-a yaxın ailənin məskunlaşdığı 5-mərtəbəli binanın dam örtüyü qopararaq yerə düşüb. Ardından leysan yağış binanın sonuncu mərtəbəsində yaşayan sakinlərin işini çətinləşdirib. Belə ki, 10-a yaxın ailənin yaşadığı mənzillər yağış sularının altında qalıb.

Hadisə zamanı elektrik naqilləri sıradan çıxdığından Tovuz və ətraf kəndlərə elektrik enerjisinin verilişində fasilələr yaranıb. Güclü külək və şimşəklə müşahidə olunan leysan yağış zamanı tələfat qeydə alınmayıb.

Milli.Az