Bakıda baş vermiş dəhşətli yanğın artıq insanları ayıq-sayıq olmağa, eyni zamanda ən xırda nöqsanı belə qabartmağa məcbur edir
Burada binanın yanğın təhlükəsizliyi təkcə onun üzlüklərində yox, başqa məqamları da gündəmə gətirir. Oxucular Milli.Az-a Bakıda inşa olunan yeni binanın yanğın təhlükəsindən şikayətlənirlər. Bildirirlər ki, metronun "Qara Qarayev" stansiyasının yaxınlığında bir-birirnə yaxın çoxmərtəbəli yaşayış binası inşa olunur. Həmin binalar arasındakı məsəfə o qədər yaxındır ki, bir mənzildə baş verəcək yanğın və digər fövqəladə hadisə qarşı binadakına təsirsiz ötüşməyəcək.
Tikintini həyata keçirən "İmperial" şirkətinin rəsmisi Milli.Az-a bildirdi ki, onların inşa etdiyi binalar arasındakı məsafə 15-17 metrdir. Bakı Şəhər İcra Hakimiyyəti tərəfindən təsdiqlənmiş layihə əsasında inşa olunur.
Şirkət rəsmisi söhbətin gedişində Bakıdakı başqa tikinti şirkətlərini hədəf seçdi: "Niyə gedib bir-birinin qarnında olan binalar tikən şirkətlərdən yazmırsınız? Təzə bazarın yanında, keçmiş leytnant Şmit küçəsi boyunca tikilən binarar arasındakı məsafəyə baxın, sonra bizdən yazın".
Gülər
Milli.Az